Við heimsóttum nokkra bekki í Flensborgarskóla í síðustu viku.
Nemendur voru mjög áhugasamir og skemmtilegir í viðræðu, og greinilegt að nokkrir hafa góða þekkingu á maurum.
Verkefni þetta var styrkt af samfélagssjóði HÍ. Við vorum svo lánsöm að fá styrk fyrir annað verkefni af þessu tagi fyrir árið 2025. Þá verður farið með maurabú í leikskóla í kraganum í kringum höfuðborgina. Meira um það síðar.
Heimsóknir mauragengisins í framhaldsskóla héldu áfram í síðustu viku.
Heimsóttum bæði MH og Verslunarskólann og ræddum við nemendur.
Á myndinn sést Rafn Sigurðsson útskýra búið fyrir nemendum.
Þar sem við erum á ferðinni að vetrarlagi og maurarnir kuldaskræfur, þá fyllum við plastflöskuna af fyllt heitu vatni og setjum hitapokann í örbylgjuna. Hvorutveggja þétt við búið undir teppi, heldur þeim sæmilega frískum meðan við ökum milli staða.
Verkefnið er styrkt með samfélagssjóði HÍ, sem er þakkað góðfúslega.
Auramaurabú undir kastljósinu. Fyrsta af nokkrum heimsóknum í framhaldsskóla á höfuðborgarsvæðinu. Næst FG nú á föstudaginn.
Við vekjum athygli ykkar á frábærum heimildaþætti um maura í Júrafjöllunum á Rúv. Þátturinn er aðgengilegur til 6. apríl 2025.
https://www.ruv.is/sjonvarp/spila/david-attenborough-maurafjallid/35226/afu3t1 
Meira um þessa skógarmaura í grein á vef náttúrufræðisafnsins í Bern.
Christian BERNASCONI, Arnaud MAEDER, Anne FREITAG & Daniel CHERIX. Formica paralugubris (Hymenoptera: Formicidae) in the Italian Alps
from new data and old data revisited. Myrmecologische Nachrichten 8 251 – 256 Wien, September 2006
Mauragengið vann með vísindavöku Rannís, sérstaklega vísindakakó genginu, og hélt mauradag í bókasafni Úlfarsárdals.
Fleiri viðburðir af þessu tagi verða í vetur, sjá vef Rannís.
https://www.visindavaka.is/vidburdir/visindakako/
Við komum með maurana á vísindavökuna 2024, sem verður í laugardalshöllinni 28. september n.k.
Hvísl í veröld maura: könnum dulið líf og raddir maura
Ævintýri mauranna: þeirra dulda líf og samtal
Stigið inn í dularfulla veröld mauranna, þessara litlu dýra með merkilegu samfélög og athyglisverðu leyndarmál. Maurar gegna ólíkum hlutverkum í búinu, og vinna saman við fæðuöflun og uppeldi ungviðis. Hvað segja þeir hver við annan, og hvernig? Þeir nota efnaboð til samskipta, t.d. skilja eftir sameindir til að mynda slóð að fæðuuppsprettu. Maurar mynda einnig hljóð, sem hægt verður að hlýða á. Kíkið á maurabásinn og lærið meira um líffræði og fjölbreytileika maura, þar á meðal nýjar tegundir sem borist hafa til landsins. Skoða má maurabú, og hægt verður að hlusta á hljóðin sem maurar gefa frá sér. Uppgötvaðu leyndarmál mauranna, og sjáðu þá í nýju ljósi og heyrðu þeirra nýju hljóð.
Í sumar gekk einn úr mauragenginu í gegnum danskan skóg. Þegar spýtu var lyft kom bú í ljós. Allt fór á fleygiferð, maurar hlupu til við að bjarga lirfum og eggjum.
Ekki er búið að greina þessa maura til tegundar.
Sýning og útgáfa myndlýstrar barnabókar um íslenska maura, Matti og Maurún – Hulinn heimur íslenskra maura.
Á sýningunni skoðum við furðuverk mauraríkisins, rýnum í myndheiminn sem Laufey Jónsdóttir skapaði fyrir bókina og sjáum íslenska maura stíga á stokk í iðandi maurabúi.
Rithöfundurinn og líffræðingurinn Marco Mancini hefur rannsakað maura á Íslandi frá árinu 2019 og deilt undrum mauraheimsins í fjölmiðlum, á vefsíðunni „Maurar á Íslandi” og nú í þessari fallega myndskreyttu bók.
Þetta er önnur barnabók myndhöfundarins og grafíska hönnuðarins Laufeyjar Jónsdóttur. Fyrri bók hennar, „Milli svefns og Vöku”, hlaut tilnefningu til Barnabókaverðlauna Reykjavíkurborgar fyrir myndskreytingar og viðurkenningu frá Félagi íslenskra teiknara í flokknum myndlýsingasería.
Matti og Maurún – Hulinn heimur íslenskra maura
„Leggðu af stað í hugljúft ævintýri með Maurúnu og Matta til að komast í kynni við ótrúlegan heim leynilegrar mauranýlendu á íslenskum leikskólavelli. Taktu þátt í sérstakri vináttu þeirra sem er fyllt gleði, forvitni og sögum sem leiða í ljós mikil stórmerki undir fótum okkar.“
Saga og enskur texti: Marco Mancini
Teikningar og hönnun: Laufey Jónsdóttir
Íslensk þýðing: Andreas Guðmundsson Gähwiller
Sérfræðingur í kennslufræði: Caterina Poggi
Útgefandi: Bókafélagið
Styrktaraðilar: Þróunarsjóður námsgagna og Fjölskyldu- og húsdýragarðurinn
Opnunartímar sýningarinnar á HönnunarMars:
Sýningin stendur frá 24. apríl til 8. maí.
Viðburður: Maurar á Íslandi
Dagsetning: Sunnudagur 5. maí
Staðsetning: Perlan, 2. hæð
Tími: kl. 14 – 16
Það kemur mörgum á óvart að maurar finnist í Reykjavík og víðar á Íslandi. Á þessum spennandi viðburði gefst fólki tækifæri til að kynnast þessum forvitnilegu dýrum, stöðu þeirra í vistkerfinu og hvað það þýðir fyrir lífríki Íslands að nú finnist þeir hér. Viðburðurinn er haldinn í samstarfi við Háskóla Íslands og Marco Mancini líffræðing, en hann hefur stundað rannsóknir á maurum á Íslandi undanfarin ár.
Kjörið tækifæri fyrir fjölskyldur til að skemmta sér og tengjast náttúrunni á óvenjulegan og skemmtilegan hátt.
Aðgangur er ókeypis. Hlökkum til að sjá ykkur!
Náttúruminjasafn Íslands er með fjölbreytta fjölskylduviðburði fyrsta sunnudag hvers mánaðar víða á höfuðborgarsvæðinu.
Samfélagssjóður HÍ styrkti mauraverkefnið árið 2020, helmingur fór í skrif um maura fyrir vísindavefinn og hinn helmingur í pistla um veirur og þróun þeirra.
Markmið verkefnis var að vinna frekar efni um erfðir og þróun lífvera fyrir vísindavefinn, með áherslu á veiruna sem veldur covid-19 og önnur dæmi um erfðir í bakteríum, plöntum og dýrum, og þróun lífvera og kraftana sem móta fjölbreytileika, þol og eiginleika lífvera og veira.
